Os debuxos anatómicos máis enigmáticos de Leonardo da Vinci

O xenio renacentista realizou un refinado estudio sobre a anatomía do corpo humano grazas á disección de cadáveres, nun momento no que esta práctica non estaba ben vista

Leonardo da Vinci (1452-1519), realizou no século XVI uns debuxos sobre a anatomía humana que poden competir perfectamente cos que vemos na actualidade. O xenio renacentista consideraba indispensable para coñecer os segredos do corpo humano, abrilo e observalo dende todas as perspectivas posibles. Este afán de coñecemento propiciou que se interesara polo campo da anatomía, tan enigmático naquela época.

A súa fascinación polo corpo humano pódese cualificar de mesiánica, ao principio acercouse a través da disección de animais, de feito algún dos seus primeiros debuxos mostran o aparello dixestivo con dous estómagos, trala observación dunha disección dunha vaca.

O mestre da morte

Todo cambia cando no ano 1510 o artista italiano establécese en Pavía para traballar con Marco Antonio della Torre (1481-1511), mestre de disección. O profesor de anatomía –coñecido na época como o mestre da morte- permitiulle o acceso á sala de autopsias.

O resultado daquela colaboración foron unha serie de debuxos que 500 anos despois seguen a fascinar a científicos e profanos. O material orixinal, realizado entre 1510 e 1511, coñécese como “Manuscrito anatómico A” protexido nos muros do castelo de Windsor (Reino Unido), consta de máis de 240 debuxos e 13.000 palabras.

Posteriormente, Leonardo abandonou Pavía e estableceuse en Roma, acudindo regularmente ao Hospital do Espírito Santo, onde chegou a realizar a disección de ata dezanove cadáveres. Os corpos eran de criminais executados o falecidos cuxos corpos non reclamou ninguén.

Tristemente, unha orde papal prohibiu a Leonardo continuar con aquelas prácticas xa que un grupo de artistas renacentistas lle denunciaron ante a Santa Sede por consideralas “inadecuadas ante os ollos de Deus”, a envexa existiu dende sempre.