A realidade virtual para recuperarse dun ictus

•           Nos pacientes que se someteron a esta terapia rexistrouse unha mellora sustancial no seu funcionamento.
•           Os autores propoñen esta tecnoloxía como alternativa motivadora acompañada da convencional.

A realidade virtual vaise abrindo camiño nas distintas áreas da medicina, actualmente xa está presente en algunhas intervencións cirúrxicas e no tratamento de fobias e traumas psicolóxicos. Estudios actuais demostran que tras haber sufrido un ictus, esta revolucionaria tecnoloxía resulta tan efectiva na terapia motora como a terapia de tipo convencional.

Unha pantalla e unhas luvas con sensores  foron os elementos para os 60 pacientes que iniciaron esta nova forma de adestramento especialmente deseñado para as súas necesidades.  Cunhas sesións entre catro e cinco horas semanais e durante un mes enteiro foron necesarias.  Ao mesmo tempo ían incorporando movementos de brazos, mans e dedos mentres seguíana s indicacións de varios xogos.

Paralelamente outras 60 persoas facían a recuperación coas terapias convencionais para poder compara estudos. Eran exercicios realizados cos médicos e fisioterapeutas adecuados a esta enfermidade.

Hai que destacar que en España cada ano  hai entre 110.000 e 120.000 casos novos de ictus e que grazas aos avances na prevención, nos derradeiros 20 anos o resgo de morte diminuíu un 50%.

Dos 120 participantes no estudo (cunha media de 62 anos) habían sufrido un infarto cerebral e tiñan debilidade muscular nas mans, no pulso ou nos brazos. Os autores da investigación (publicada no derradeiro número da revista Neurology e realizada na Universidade de Aarhus (Dinamarca) comprobaron os movementos en ámbolos dous grupos ao inicio do estudo, una vez finalizado o adestramento e tres meses despois.

Nos dous casos houbo unha mellora efectiva e igualitaria utilizando o método tradicional ou a alternativa máis moderna da realidade virtual, o principal obxectivo era demostrar  esta nova alternativa como outra forma mais de mellorar e a posibilidade de poder realizala nos fogares evitando así os custes sanitarios da tradicional, ademais a tratamento ambulatorio que é bastante deficitario en España veríase mellorado utilizando na casa esta terapia virtual e ao alcance de tódolos pacientes.

A terapia da realidade virtual podería ser un gran avance no seguimento e mellora da enfermidade para reducir as secuelas e para abaratar custes de tratamentos.